|
ᐋᖅᑭᒃᓱᐃᔾᔪᓯᖏᑦ ᐅᑭᐅᖅᑕᖅᑐᒥ
ᑲᑎᑐᑦ ᐱᓕᕆᔪᓐᓇᖅᑐᑦ ᐃᓄᒃᑎᑐᑦ ᖃᕆᑕᐅᔭᓕᕆᓂᕐᒥ ᐊᒻᒪᓗ ᐊᓯᖏᑦ ᐅᖃᐅᓯᖃᖅᑐᓂ ᐱᓕᕆᐊᓂ ᑕᒫᓂ ᓄᓇᕘᑉ ᐊᖓᔪᖅᑳᖃᕐᕕᖓᓂ. ᓄᓇᓕᖕᒥᐅᓂ ᐃᖅᑲᓇᐃᔭᖅᑎᖃᕋᓱᐊᖏᓐᓇᖃᑦᑕᖅᑐᒍᑦ ᐱᓕᕆᐊᒃᓴᕆᔭᑦᑎᓐᓄᑦ ᐱᓪᓗᒍ ᐋᖅᑭᐅᒪᑎᑦᑎᖃᑕᐅᔪᒪᓂᕐᒥᒃ ᐱᕙᓪᓕᐊᑎᑦᑎᖃᑕᐅᓂᕐᒥᒃ ᐃᖅᑲᓇᐃᔮᒃᓴᓂ ᐊᒻᒪ ᐊᔪᓐᖏᓐᓂᐅᔪᓂᒃ ᓄᓇᕗᒥ ᓯᕗᓂᒃᓴᐅᓂᐊᖅᑐᓄᑦ.
ᐱᔨᑦᓯᕋᑦᑕᑦᑎᓐᓂ ᐃᖅᑲᓇᐃᔭᖃᑎᖃᑦᑎᐊᖃᑦᑕᖅᐳᒍᑦ ᐃᓱᒪᒋᔭᖏᑦ ᐱᓇᓱᐊᖅᓱᒋᑦ. ᑕᒪᐃᓐᓂᒃ ᓄᐊᓴᐃᖃᑦᑕᖅᐳᒍᑦ ᑐᑭᓯᒐᓱᐊᑦᑎᐊᖅᓱᒋᑦ ᖃᓄᐃᖁᔨᓯᒪᓂᖏᓐᓂᑦ.
ᑲᑎᑐᑦ ᐱᔨᑦᓯᕋᕈᓐᓇᖅᑐᑦ ᐅᑯᓂᖓ:
- ᖃᕆᑕᐅᔭᒃᑯᑦ ᐳᓛᕆᐊᕐᕕᒃᓴᓕᐅᕈᓐᓇᕐᓂᖅ ᖃᓄᐃᓕᖓᓂᒃᓴᕆᓂᐊᖅᑕᖏᓐᓂᓪᓗ
- ᖃᕆᑕᐅᔭᒃᑯᑦ ᐳᓛᕆᐊᕐᕕᒃᓴᐅᑉ ᐋᖅᑭᐅᒪᓂᒃᓴᕆᓂᐊᖅᑕᖓᓂᓕᐅᕈᓐᓇᕐᓂᖅ
- ᐊᔾᔨᓐᖑᐊᒃᓴᓕᐅᕈᓐᓇᓕᕆᓂᖅ
- ᓴᖅᑭᔮᓚᐅᑲᒃᑎᑦᑎᒍᑎᒃᓴᓕᐅᕈᓐᓇᕐᓂᖅ
- ᑕᕐᕆᔭᒃᓴᐅᓚᐅᐱᓪᓚᒃᑐᓕᐅᕈᓐᓇᕐᓂᖅ ᖃᕆᑕᐅᔭᒃᑯᑦ ᐳᓛᕆᐊᕐᕕᒃᓴᒧᑦ
- ᐊᔾᔨᒌᓐᖏᑦᑐᒃᑰᕈᑎᒃᓴᓕᐅᕈᓐᓇᕐᓂᖅ
- ᐊᔾᔨᐅᓐᖑᐊᓂᑦ ᐋᖅᑭᒃᓱᐃᔪᓕᕆᓂᖅ
- ᐃᓗᓕᒃᓴᐅᓂᐊᖅᑐᓂᒃ ᐊᐅᓚᑦᓯᔨᐅᒍᓐᓇᕐᓂᖅ ᐊᒻᒪ ᐃᓕᐅᖅᑲᐃᔨᐅᒍᓐᓇᕐᓂᖅ
- ᐃᖅᑲᓇᐃᔭᖅᑎᒋᔭᐅᔪᓂᒃ ᐃᓕᓐᓂᐊᖅᑎᑦᑎᒍᓐᓇᕐᓂᖅ ᐊᒻᒪ ᑐᓴᒐᒃᓴᓕᕆᓂᕐᒧᑦ ᖃᕆᑕᐅᔭᒃᑯᑦ ᐳᓛᕆᐊᕐᕕᒃᓴᓕᕆᔪᓐᓇᕐᓂᖅ
- ᐃᓕᓐᓂᐊᖅᑎᑦᑎᓂᖅ ᐊᒻᒪ ᖃᕆᑕᐅᔭᓄᑦ ᐃᖏᕐᕋᐅᑎᖏᓐᓂᒃ ᐱᓕᒻᒪᒃᓴᖅᑎᑦᑎᒍᓐᓇᕐᓂᖅ ᖃᕆᑕᐅᔭᒃᑯᑦ ᐳᓛᕆᐊᕐᕕᓕᕆᔨᓄᑦ
ᐳᓛᕆᐊᕈᒃ ᐳᓛᕆᐊᕐᕕᕗᑦ ᖃᓄᐃᓕᐅᕈᓐᓇᕐᓂᑉᑎᓐᓄᑦ ᕿᒥᕐᕈᓗᒋᑦ ᐱᓕᕆᐊᕆᖃᑦᑕᖅᓯᒪᔭᑦᑎᓐᓂ.
ᖃᓄᑐᐃᓐᓇᖅ ᐱᓕᕆᐊᒃᓴᕆᔪᒪᔭᕐᓂ ᐃᓱᒪᓕᐅᖅᓯᒪᔭᓐᓂᒃ ᐃᑲᔪᕐᕕᒋᔪᓐᓇᖅᑕᑦᑎᓐᓂᒃ, ᐊᑏ ᖃᐅᔨᒋᐊᖅᑕᐅᑕ ᖁᕕᐊᓱᑐᐃᓐᓇᕐᓂᐊᖅᑐᒍᑦ ᐅᖃᓕᒪᐅᑎᒋᓗᒍ ᐃᓕᖕᓄᑦ.
|
