|
"ᑲᑎᑐᑦ" - ᑭᓱᑐᐃᓐᓇᐃᑦ, ᐆᒪᔪᐃᑦ ᐅᕝᕙᓘᓐᓃᑦ ᐃᓄᐃᑦ ᑲᑎᑎᓪᓗᒋᑦ ᐊᑕᐅᓯᐅᖃᑎᒌᒋᐊᖅᑐᖅᓱᑎᒃ ᐱᔾᔪᑎᖃᖅᓱᑎᒃ ᐊᑕᐅᓯᕐᒥ- ᓇᓗᓇᐃᔭᐃᓯᒪᔪᖅ ᐊᔾᔨᐅᓐᖏᑦᑐᒥᒃ ᖃᓄᐃᓕᐅᔾᔪᓯᕆᕙᑦᑕᑦᑎᓐᓄᑦ ᓴᖅᑭᑎᑦᑎᓂᕐᒧᑦ ᑐᓴᒐᓂᒃ ᐃᓱᒪᒃᓴᖅᓯᐅᕈᑎᓂᓪᓗ ᐊᑕᐅᓯᕐᒥ ᐱᔾᔪᑎᖃᖅᓱᑎᒃ ᐃᓄᐃᑦ ᓄᓇᕗᒥᐅᑦ, ᐊᑐᕐᓂᒃᑯᑦ ᐊᔾᔨᐅᓐᖏᑦᑑᓂᕆᔭᖓᑦ ᐊᔾᔨᒌᓐᖏᑦᑐᓂᓪᓗ ᐅᖃᐅᓯᓕᖕᓂ ᓴᖅᑭᔮᖅᑎᑦᑎᒍᓐᓇᕐᓂᕆᕗᑦ ᖃᕆᑕᐅᔭᒃᑯᑦ ᐳᓛᕆᐊᕐᕕᒃᓴᓕᕆᓂᕐᒧᑦ ᐱᔨᑦᓯᕋᕐᓂᑦᑎᓐᓄᑦ. ᑲᑎᑦᑐᑦ ᓴᖅᑭᑎᑦᑎᕙᒃᐳᑦ ᐃᓱᒪᒃᓴᖅᓯᐅᕈᑕᐅᓯᒪᔪᓂ ᑕᕝᕗᖓ ᐳᓛᕆᐊᕐᕕᒻᒥ ᑕᒪᐃᒃᑯᑦ ᐃᓕᑕᕆᔭᐅᓯᒪᓂᓕᓗᒃᑖᓂ ᐅᖃᐅᓯᕐᓂ ᓄᓇᕗᒥ: ᐃᓄᒃᑎᑐᑦ ᐃᓄᐃᓐᓇᖅᑐᓐ, ᖃᓪᓗᓈᑎᑐᑦ ᐊᒻᒪ ᐅᐄᕖᑎᑐᑦ.
ᑲᑎᑦᑐᑦ, ᑲᑐᔾᔨᖃᑎᒌᖕᓂᐅᔪᖅ ᑖᒃᑯᓂᖓ ᐊᑏᒎᒃᑯᑦ ᖃᕆᑕᐅᔭᓂ ᐳᓛᕆᐊᕐᕕᒃᓴᓂ ᐋᖅᑭᒃᓱᐃᔨᖏᑦ ᐊᒻᒪ ᐅᑭᐅᖅᑕᖅᑐᒥ ᓄᕗᔭᒃᑯᑦ ᐋᖅᑭᒃᓱᐃᔨᖏᓐᓂ, ᐃᓚᒋᔭᐅᕗᖅ ᐊᑏᒍᒃᑯᓐᓂ. ᐊᑏᒍ ᐱᒋᐊᓚᐅᖅᓯᒪᔪᑦ ᔭᓐᓄᐊᕆ 2003-ᒥ. ᑖᓐᓇ ᑲᒻᐸᓂᐅᔪᖅ ᐊᑎᓕᐅᖅᓯᒪᔪᖅ ᓄᓇᕗᑦ ᒐᕙᒪᒃᑯᑦ ᓄᓇᕗᒥ ᓇᖕᒥᓂᖃᖅᑐᓂᒃ ᐃᑲᔫᑎᖓᑦᑎᒍᑦ ᐅᑭᐅᖅᑕᖅᑐᒥ ᑎᒥᐅᓂᕐᒧᑦ ᐊᒻᒪᓗ ᑖᒃᑯᑎᒎᓇ ᓄᓇᕗᑦ ᑐᓐᖓᕕᒃᑯᑎᒍᑦ ᐃᓄᖕᒧᑦ ᓇᖕᒥᓂᕆᔭᐅᓂᖓᓂ. ᐊᑏᒍ ᐋᖅᑭᒃᓱᐃᔨᖏᑦ ᑳᓐᑐᕌᖃᖅᓯᒪᖕᒪᑕ ᑐᓴᐅᒪᔾᔪᑎᐅᔪᓂᒃ ᐋᖅᑭᒃᓱᐃᓂᕐᒧᑦ ᓄᓇᕗᑦ ᒐᕙᒪᒃᑯᓐᓂᑦ ᒪᕐᕉᓕᖅᑐᓄᑦ ᐊᕐᕌᒎᓄᑦ - ᓇᓗᓇᐃᔭᕈᑦ ᑕᑯᓐᓇᓐᖑᐊᖅᑕᑦᑎᓐᓄᑦ ᐱᐅᓂᖅᐹᕐᒥᒃ ᐱᔨᑦᓯᕈᒪᓂᕐᒧᑦ. ᐅᑭᐅᖅᑕᖅᑐᒥ ᓄᕗᔭᖅ ᓄᓇᕗᒥᐅᓂᒃ ᐱᔨᑦᓯᖅᓯᒪᓕᖅᑐᖅ ᐊᕐᕌᒎᓂ ᑎᓴᒪᐅᓕᖅᑐᓄᑦ; ᐱᔨᑦᓯᖅᑕᖏᑦ ᐃᓚᖏᑦ ᐅᕝᕙᐅᕗᑦ ᓄᓇᕗᑦ ᑲᓇᑕᐅᓪᓗ ᒐᕙᒪᖏᑕ ᐱᓕᕆᕝᕕᖏᑦ, ᒐᕙᒪᒃᑯᑦ ᑎᒥᖁᑎᖏᑦ, ᐊᒻᒪ ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓚᒋᓪᓗᒋᑦ ᓇᖕᒥᓂᖃᖅᑎᐅᔪᑦ.
|
